«яшил макон» тегли мақолалар
Тошкентда ободонлаштириш бошқармаларининг кўчаларни тозалаш ва кўкаламзорлаштириш бўйича вазифалари аукционга қўйилади ва хусусий шерикларга берилади
Тошкентда 15 апрелдан бошлаб туман ободонлаштириш бошқармаларининг кўчаларни тозалаш, кўкаламзорлаштириш ва йўлларга хизмат кўрсатиш вазифалари аукцион орқали хусусий шерикларга ўтказилади. Вилоятларда дарахт экиш, ариқ тозалаш ва кўчаларни ёритиш ишлари чиқинди корхоналарига берилади.
Ўзбекистонда 250 миллиондан ортиқ дарахтнинг рақамли харитаси яратилди
Экология вазирлиги аэрокосмик тасвирлар орқали 5 ва ундан катта ёшли 254 млн дан ортиқ дарахтнинг рақамли харитасини тузди. 200 мингдан ортиқ дарахт хатловдан ўтказилиб, маълумотлар электрон платформага киритилди. Тошкент шаҳрида эса дарахтлар синов тариқасида паспортлаштирилади.
«Яшил макон» маблағларининг камида ярми жамоатчилик фикри асосида шаклланган лойиҳаларга йўналтирилади
Бюджетдан «Яшил макон» лойиҳасига ажратиладиган маблағларнинг камида 50 фоизи «Очиқ бюджет» портали орқали жамоатчилик фикри асосида шаклланган «Менинг боғим» лойиҳаларини молиялаштиришга йўналтирилади. Бунда «яшил боғлар» ва «яшил жамоат парклари»ни ташкил қилиш режалаштирилган.
Бош вазир ва Вазирлар Маҳкамаси ходимлари Бўстонлиқда кўчат ўтқазди
Бош вазир Абдулла Арипов бошчилигидаги Вазирлар Маҳкамаси ходимлари «Яшил макон» лойиҳаси доирасида Тошкент вилоятининг Бўстонлиқ туманида кўчат экди.
Самарқанд вилоятида «CRIC-21 яшил боғи» ташкил этилди
БМТнинг Чўлланишга қарши кураш тўғрисидаги конвенцияси ижросига бағишланган сессия иштирокчилари Самарқанд вилоятида 1000 туп кўчат экди. Бу ҳудуд «CRIC-21 яшил боғи» деб номланди.
«Дарахтларни номига эмас, ҳаётимиз, эртанги кунимиз учун экиш керак» — Шавкат Мирзиёев
«Яшил макон» лойиҳаси доирасидаги дарахтларни номига эмас, «ҳаётимиз учун, ўпкамизнинг тозалиги учун экиш зарур, чунки бу ўзимизга, жамиятимизга, саломатлигимизга керак», — деди Ўзбекистон президенти.
Ўзбекистон президенти кузги дарахт экиш мавсумини эълон қилди
Ўзбекистонда 25 октябрдан 1 декабргача кузги дарахт экиш мавсуми доирасида 85 млн туп кўчат экиш режалаштирилмоқда. Президент бу борада аввал йўл қўйилган хатоларни такрорламаслик шарт эканини таъкидлади. У ободонлаштириш бўлимларини хусусий секторга ўтказиш бўйича тажриба ўтказишни маъқуллади.
Тоза ҳаво ҳокимларнинг асосий вазифаларидан бири бўлади — президент
Ўзбекистон президенти ҳудудларни кўкаламзорлаштириш борасидаги ишлар сустлигини танқид қилди. Унинг сўзларига кўра, суғориш тизими йўқлиги сабабли 10 млн ниҳол нобуд бўлган. У бундан буён экологик вазиятни яхшилаш ҳокимларнинг асосий вазифаларидан бири бўлишини таъкидлади.
«Яшил макон» лойиҳасида масъулиятсизлик қилган 29 нафар раҳбар жавобгарликка тортилиши мумкин
Бош прокуратуранинг қайд этишича, «Яшил макон» лойиҳаси доирасида хизмат вазифаларини лозим даражада бажармаган 29 нафар маҳаллий давлат ҳокимияти органлари ва идоралар раҳбарлари қонунчиликда белгиланган жавобгарликка тортилиши мумкин.
Ташландиқ жойда қандай қилиб яшил боғ барпо этиш мумкин? Репортаж
Яшнобод тумани Алимкент кўчасидаги собиқ трамвай йўллари ўрни кўплаб йиллар мобайнида ташландиқ ҳолатга келиб қолди. Ҳозир эса бу ерда — дарахтлар, буталар ва узумлар экилган. Биз унга ким ғамхўрлик қилаётгани ва одамлар тошга айланган шаҳардаги янги оазис ҳақида қандай фикрдалигини ўргандик.
«Яшил макон» доирасида йўл қўйилган камчиликлар юзасидан прокуратура ўрганиш ишларини бошлади
Азиз Абдуҳакимов «Яшил макон» лойиҳаси доирасида 2 миллиондан ортиқ кўчат экилди деб ҳисоботга қўшиб ёзилгани, суғориш тизимлари бўлмаган ҳудудларга 7,3 миллион туп кўчат экилишига йўл қўйилгани каби камчиликлар ҳақида маълум қилганди. Шу бўйича прокуратура ўрганиш ишларини бошлади.
«Яшил макон» лойиҳасида 2 миллиондан ортиқ кўчат экилди деб ҳисоботга қўшиб ёзилган — Азиз Абдуҳакимов
Азиз Абдуҳакимовнинг маълум қилишича, «Яшил макон» лойиҳаси доирасида экилиши керак бўлган 2 миллиондан ортиқ кўчат экилди деб ҳисоботга қўшиб ёзилган. Шунингдек, суғориш тизимлари мавжуд бўлмаган ҳудудларга 7,3 миллион туп кўчат экилишига йўл қўйилган.
Эсизгина кўчатлар
«„Чилонзор-22 квартал шу ерми? Ўтган йили ҳам худди шу ерда кўчат экаётганмидиларинг? Ўша кўчатлар қани?“ […] ЖЭК олти йилда 69 мингдан кўпроқ дарахт эккан. 80 фоизи кўкарди, деб районга маълумот ҳам берган, лекин ярми ҳам қолган эмас. Шунча дарахт кўкарса, ҳаммаёқ кўкаламзор бўлиб кетмасмиди».
Президент атмосфера ҳавоси ифлосланганини тилга олди
Президент «Яшил макон» лойиҳасини кенгайтиришга оид таклифлар тақдимоти билан танишди. Унда атмосфера ҳавоси ифлослангани ҳақида ҳам сўз борди. Кўчатлар экиш ва парваришлаш жараёнларига Ўрмон хўжалиги давлат қўмитасини ягона масъул ташкилот этиб белгилаш таклиф этилди.
Кун фотоси: ТДТга аъзо ва кузатувчи давлатлар етакчилари Регистонда дарахт экишди
Туркий давлатлар ташкилоти саммитининг асосий тадбиридан сўнг, Ўзбекистон, Туркия, Озарбайжон, Қозоғистон, Қирғизистон, Венгрия ва Туркманистон етакчилари Регистон майдонида дарахт экишди. Шу куннинг ўзида Ўзбекистонда 2,5 млн туп, қолаверса, Озарбайжонда 111 минг туп дарахт экиш кўзда тутилган.
Президент кўчат экиш бўйича «долзарб 40 кунлик»ни эълон қилди
Шавкат Мирзиёев йил якунигача 75 млн дона, 2023 йил баҳор ойларида яна 125 млн дона мевали ва манзарали кўчатлар экиш бўйича топшириқ берди. Дарахт экиш бўйича «долзарб 40 кунлик» эълон қилинди. «Дарахт ҳавас билан экилиши, халқимиз, маҳаллаларимизнинг маданиятига айланиши лозим», — деди президент.
«Яшил макон» миллионлаб дарахт экишгина эмас, балки тўғри жойга экиш ва парвариш қилиш ҳамдир — Матильда Димовска
БМТ Тараққиёт дастури кўмагида «Яшил Макон» ташаббуси доирасида Оролбўйи ва Сурхондарёни ўрмонзорлаштириш, уларнинг қум ва чанг бўронларига чидамлилигини ошириш ҳамда Ўзбекистон шаҳарларини кўкаламзорлаштириш бош режасини ишлаб чиқиш лойиҳаси бошланди.
Қаровсиз дарахтларни парваришлаш учта дафтардаги фуқароларга ҳақ эвазига юклатилади
Ҳукумат қарорига кўра, аҳоли яшаш жойларидаги қаровсиз дарахтларни парваришлашга темир, аёллар ва ёшлар дафтарларига киритилган ишсиз фуқаролар ҳақ эвазига жалб қилинади. Қолаверса, 100 ёшдан ошган дарахтлар табиат ёдгорлиги сифатида ҳимояга олинади ва атрофи 1,2 метрлик панжара билан ўраб қўйилади.
«Яшил макон» ҳаракати доирасида талабларни бажармаган 109 нафар мансабдор жаримага тортилди
«Яшил макон» ҳаракати доирасида куз ва баҳор мавсумида жами 213 млн туп дарахт ва бута экилди, деб маълум қилди Экология қўмитаси. Мазкур дарахтларни парваришлашга масъул бўлган 109 нафар мансабдор талабларни бажармагани боис жами 311 млн сўм миқдорда жаримага тортилди.
БМТТД ва БМТ ЕИК «Яшил макон» лойиҳасини қўллаб-қувватлайди
БМТ Тараққиёт дастури ва БМТ Европа иқтисодий комиссияси Ўзбекистонда «Яшил макон» лойиҳасини амалга оширишга қўшилди. Улар лойиҳани бош-режалаштириш ва унга инновацион молиявий ечимларни жорий этишда ёрдам беради.
Энг кўп ўқилган хабарлар | Сўнгги янгиликлар
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- Ўзбекистон Афғонистонга 169 тоннадан ортиқ инсонпарварлик ёрдамини юборди (фото)
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима?
Қўшимча имкониятларга эга булиш учун сайтда рўйхатдан ўтинг